Ерга астероид яқинлашмоқда
У товуш тезлигидан 27 марта тез ҳаракатланади.
NASA 6 сентябрь куни Ер ёнидан товушдан тез ҳаракатланадиган астероид учиб ўтишини маълум қилди. Астрономларнинг таъкидлашича, у ўқдан ўн баробар тезроқ.
Олимлар самовий жисмга “2022 QC7” деб ном беришди. Унинг кенглиги 36 метр, бу Boeing-767 қанотларининг ярмига тенг.
“2022 QC7” астероиди сайёрамизга соатига 32 760 км тезликда, яъни товуш тезлигидан тахминан 27 марта тез яқинлашмоқда.
Коинот агентлиги маълумотларига кўра, космик жисмнинг Ер билан тўқнашуви юз бермайди.
