Машҳур турк актёри Бурак Ўзчивит Тошкентга келмоқда
У 14-15 сентябрь кунлари халқаро кинофестивалда қатнашади.
Турк актёри Бурак Ўзчивит жорий йилнинг 13–18 сентябрь кунлари ўтказиладиган “Ипак йўли дурдонаси” XIV Тошкент Халқаро кинофестивалида иштирок этади. Бу ҳақда Кинематография агентлиги ахборот хизмати хабар берди.
У кинофестивалнинг асосий тадбирларида, хусусан, 14 сентябрь куни бўлиб ўтадиган очилиш маросимида ҳамда 15 сентябрь куни Форумлар саройида тантанали равишда бошланадиган Турк киноси кунларида қатнашади.
Туркия делегацияси Тошкентда фильмлар намойишини ўтказиб, 16 сентябрь куни Урганч шаҳрига жўнаб кетади. У ерда ҳам 2 кун давомида ўз фильмларини тақдим этишади.
Турк сериаллари юлдузларининг Тошкентга ташрифи шаҳар ҳокимлиги томонидан ташкил этилмоқда.
