Албания Эрон билан муносабатларни бутунлай узди
Теҳрон мамлакатга киберҳужум уюштиришда айбланган.
Албания Эрон билан дипломатик муносабатларни тўхтатди. Бунга июль ойида албан ҳукумати сайтларига уюштирилган киберҳужум сабаб бўлган. Тирана ушбу ҳужумда Теҳронни айбламоқда.
Ўз навбатида Эрон Албаниянинг бу айбловларини "асоссиз" деб атаган. Мамлакат ТИВ дипломатик муносабатларни узиш тўғрисидаги қарорни қоралаган.
Эронлик дипломатларнинг Албаниядан чиқиб кетиши учун 24 соат вақт берилган.
АҚШ 15 июль куни уюштирилган киберҳужумлар ортида Теҳрон турганини иддао қилган. Албан ҳукуматининг қайд этишича, "киберҳужум оқибатида давлат хизматлари тўхтаб қолиши ва мамлакатда беқарорлик бошланиши мумкин эди.
