АҚШ давлат котиби Украинага келди
Унинг ташрифи ҳақида аввал хабар қилинмаганди.
Бугун, 8 сентябрь куни АҚШ Давлат котиби Энтони Блинкен Киевга ташриф буюрди. Унинг ташрифи аввал маълум қилинмаган, дея хабар бермоқда “Associated Press” нашри.
Расмийлар билан учрашувларда АҚШ вакили Украинага, шунингдек, Европанинг 18 давлатига уларнинг мудофаасини таъминлаш билан боғлиқ муаммоларни ҳал қилиш учун ҳарбий ёрдам сифатида 2 миллиард доллар ажратилишини маълум қилган.
Шунингдек, Пентагон раҳбари Ллойд Остин АҚШ Украинага яна 675 миллион долларлик ҳарбий ёрдам пакетини маъқуллаганини эълон қилди.
2021-йил январидан бери Қўшма Штатлар Украинага хавфсизлик бўйича 13,5 миллиард доллардан ортиқ ёрдам кўрсатган. Тасдиқланган янги ёрдам пакети ҳисобга олинса, бу маблағ 14 миллиард доллардан ошади.
