Индонезия G20 саммитида Путиннинг хавфсизлигини кафолатлашга тайёрлигини билдирди
Саммит ноябрь ойида Балида бўлиб ўтади.
Индонезия G20 саммитида Путиннинг хавфсизлигини таъминлашга тайёр. Бу ҳақда Индонезиянинг Россиядаги элчиси Хосе Таварес маълум қилди.
“Бу йил G20 саммитини қабул қилаётган давлат сифатида биз, албатта, барча иштирокчилар хавфсизлигини таъминлаймиз. Индонезия кўплаб халқаро тадбирлар, жумладан, АCEAN, Шарқий Осиё саммити ва бошқаларни қабул қилган. албатта, биз энг аввало иштирок этадиган давлат раҳбарлари хавфсизлигини кафолатлаймиз”, – деган дипломат.
Маълумот ўрнида: “катта йигирматалик” давлат раҳбарлари саммити ноябрда Бали оролида бўлиб ўтади. Путиннинг унда бевосита иштирок этиши масаласи ҳамон очиқланмаган. Бундан олдин Дмитрий Песков (РФ президенти матбуот котиби) Россия раҳбари иштироки хавфсизликни таъминлаш масаласига боғлиқ эканини айтганди.
Аввалроқ Буюк Британия ТИВ Путиннинг G20 саммитида қатнашишига қарши чиққанди.
