МАГАТЭ Россия ва Украинани Запорожье АЭС бўйича шартнома тузишга чақирди
Ташкилот сентябрь бошида станцияда махсус инспекция ўтказганди.
МАГАТЭ бош директори Россия ва Украинани Запорожье АЭС бўйича келишувга эришишга чақирди.
“Россия ва Украинадан АЭС ҳужумга учрашмаслиги ҳақида сўраш масаласи қаршиликка учрамаслиги керак. Биз уларга станцияни ҳимоя қилиш бўйича шартнома таклиф қиламиз. Владимир Путин ва Владимир Зеленскийнинг баёнотларига қарамай, мен икки томоннинг бундан манфаатдорлигини кўрдим. Улар аниқ “йўқ” демайди. Икки томон билан ҳам мулоқот олиб боряпман. Фикримча, биз ўн кун, узоғи билан икки ҳафта ичида режани ишлаб чиқиш учун учрашамиз”, – деган Рафаэль Гросси.
Унинг сўзларига кўра, АЭС атрофида тўлиқ демилитаризацияланган ҳудудни ташкил қилиш мураккаб масала ҳисобланади. шу сабабли гап фақат унинг ички ҳудуди ҳимояси ҳақида кетиш керак.
1 сентябрь куни БМТнинг ядро энергетикасини кузатиш бўйича 14 эксперти Запорожье АЭСга келди. Бунга станциянинг доимий равишда ўққа тутилиши сабаб бўлган. инспекция натижасида МАГАТЭнинг махсус ҳисоботи эълон қилинди.
