Қашқадарёдаги хонадонда заҳарли илон ушланди
Ҳолат бўйича вилоят ФВБ маълумот берди.
Бугун, 8 сентябрь куни Қарши шаҳрининг “Махсумобод“ МФЙ ҳудудидаги хонадонлардан бирида заҳарли илон ушланди. Бу ҳақда вилоят Фавқулодда вазиятлар бошқармаси ахборот хизмати хабар қилди.
Қайд этилишича, соат 9:57 ларда Қарши шаҳрида яшовчи фуқаро Қ.З. ўзи яшайдиган хонадонда заҳарли илонни кўрганини ва у ёш болаларга хафв солишидан хавотирланиб, вилояти ФВБ диспетчерлик хизматига мурожаат қилган.
Воқеа жойига зудликда вилоят ФВБ қутқарув отряди қутқарувчилари жалб қилиниб, илон хонадон деворининг тепа қисми, яъни ёғоч билан девор оралиғида эканлиги аниқланган. Махсус асбоб-анжомлар ёрдамида узунлиги тахминан 1,15 sm бўлган заҳарли илон ушланиб, хонадон эгалари хавфсизлиги таъминланган.
Шундан сўнг илон очиқ дала майдонига қўйиб юборилган.
