Байден 11 сентябрь терактларидан сўнг жорий қилинган фавқулодда ҳолатни яна бир йилга узайтирди
Президент АҚШ Конгрессига бу бўйича маълумот юборган.
АҚШ президенти Жозеф Байден 2001 йил 11 сентябрь терактларидан кейин жорий этилган фавқулодда ҳолатни яна бир йилга узайтирди. Бу ҳақда Оқ уй матбуот хизмати хабар берди.
Президентнинг Конгрессга юборган ахборотида терроризм таҳдиди сақланиб қолаётганини, шу сабабли 2001 йил 14 сентябрда эълон қилинган фавқулодда ҳолат режими яна бир йилга узайтирилиши маълум қилинган. Бу вазиятда давлат раҳбарига қўшимча ваколатлар берилади.
Фавқулодда ҳолат 11 сентябрь воқеаларидан кейин уч кун ўтиб жорий қилинган. терактлар оқибатида 3 минг киши ҳалок бўлган. АҚШнинг ўша пайтдаги президенти Жорж Буш бу тартибни жорий этилишини “Қўшма Штатларга янги ҳужумларнинг бевосита таҳдиди сақланиб қолаётган”и билан изоҳлаган.
Аввалроқ Конгресс Байденнинг иқтисодий ташаббусларини қўллаб-қувватлаганди.
