Нур-Султон ва Бишкек ўзаро савдони янада ривожлантиришга келишиб олди
Шу муносабат билан махсус меморандум имзоланган.
Қирғизистон ва Қозоғистон савдо жараёнларини соддалаштиришга келишиб олди. Икки давлат ўртасида бу бўйича ҳамкорлик меморандуми имзоланган.
Томонлар савдо жараёнларини соддалаштириш билан бирга бизнесга тўсиқларни олиб ташлашга ҳамда электрон ҳужжатларни ўзаро алмашишни ривожлантиришга ҳам келишган.
Қозоғистон савдо ва интеграция вазири Серик Жумангарин Қирғизистонни Нур-Султоннинг энг муҳим савдо-иқтисодий ҳамкорларидан бири деб атаган.
“Қозоғистон статистикасига кўра, икки давлат ўртасидаги товар айирбошлаш 2022 йил январь-июнь ойларида 495.7 миллион долларни ташкил этди, бу ўтган йилнинг мос даврига нисбатан 5.7 фоизга юқори. Экспорт 303.3 миллион долларни, импорт 192.3 миллион долларга етган”, – деган вазир.
Аввалроқ Қозоғистон Россияни тарк этган компанияларни ўз ҳудудига жалб қилмоқчи эканлиги маълум бўлганди.
