Эртага Шавкат Мирзиёевнинг ШҲТ саммитига бағишланган мақоласи эълон қилинади
У хорижий давлатларнинг нуфузли газеталарида ҳам чоп этилади.
Эртага, 12 сентябрь куни Ўзбекистон ва қатор етакчи хорижий давлатларнинг нуфузли газеталарида ва интернет-нашрларида Шавкат Мирзиёевнинг Шанхай ҳамкорлик ташкилоти Самарқанд саммитига бағишланган дастурий аҳамиятга эга, концептуал мақоласи чоп этилади. Бу ҳақда Президент матбуот котиби Шерзод Асадов маълум қилди.
“Бу олий даражадаги учрашувдан нималар кутиляпти? Саммит Ўзбекистон, минтақа ва умуман замонавий дунё учун қанчалик муҳим? Янги даврда Ўзбекистон нега минтақавий ва глобал миқёсда кенг ҳамкорлик ва мулоқотни илгари сурмоқда? Ўзбекистоннинг ШҲТга раислиги ташкилот фаолиятида қандай акс этди? Шу ва бошқа муҳим саволларга Президентимизнинг эртанги мақоласида жавоб топиш мумкин”, — дейилади хабарда.
