Путин Макрон билан телефонлашди
Асосий мавзу Запорожье АЭС бўлган.
Россия президенти Владимир Путин ва Франция президенти Эммануэл Макрон телефон орқали мулоқот қилди. Бу ҳақда Кремль матбуот хизмати хабар бермоқда.
Ўзаро суҳбатда Запорожье АЭС хавфсизлигини таъминлаш масалалари бўйича батафсил ва очиқ фикр алмашилган.
“Путин россиялик мутахассислар томонидан станциянинг жисмоний муҳофазасини таъминлаш бўйича кўрилаётган чора-тадбирлар ҳақида маълумот берди ва унга ўт очишни зудлик билан тугатиш учун Киев расмийларига таъсир ўтказиш зарурлигини таъкидлади”, — дейилади хабарда.
Суҳбат якунида юрли масалалар юзасидан мулоқотни давом эттиришга келишиб олинган. Шунингдек, Елисей саройи тез орада Запорожье АЭС бўйича Путин билан яна бир телефон мулоқоти ўтказилишини маълум қилган.
