Руминия президенти Европани жиддий инқироз кутаётганини айтди
Аввалроқ Путин Ғарб санкцияларини “бутун дунё учун зарба” деб атаганди.
Европа қитъаси энг катта инқирозлардан бирига дуч келмоқда. Румия Президенти НАТО ва Европа Иттифоқининг биргаликдаги саъй-ҳаракатлари билангина уни енгиб ўтиш мумкинлигини айтмоқда.
“Биз яқин тарихдаги энг йирик гуманитар инқирозлардан бирига дуч келмоқдамиз”, дейди президент.
Украинада махсус ҳарбий операция бошланганидан сўнг Ғарб Россияга нисбатан санкциялар босимини кучайтирди. Бу эса Европа ва АҚШда электр энергияси, ёқилғи ва озиқ-овқат нархларининг ошишига сабаб бўлди.
Аввалроқ президент Владимир Путин Россияни жиловлаш ва кучсизлантириш сиёсати Ғарбнинг узоқ муддатли стратегияси эканлигини ва санкциялар бутун жаҳон иқтисодиётига жиддий зарба берганини билдирганди.
