Украинага қанча молиявий ёрдам берилган?

 

Украина 24 февралдан буён хорижий ҳамкорлардан 18 миллиард доллар пул олди. Мамлакат молия вазирлиги маълумотларига кўра, бу сумма Киевга берилган ҳарбий ёрдамдан ташқари пуллар ҳисобланади.

 

“Аммо бюджетнинг ойлик 5 миллиард долларлик танқислиги охиригача қопланмади”, – дейилади вазирлик пресс-релизида.

 

Украинанинг энг муҳим молиявий донорлари сифатида АҚШ, Канада, Буюк Британия, Япония, Франция ва Италия қайд этилган.

 

Мамлакат бош вазири Денис Шмигаль ўз навбатида ҳукумат 203 йилда ойлик бюджет танқислигини 3 миллиард долларгача камайтирилишини айтган. Унинг қўшимча қилишича, Киев сентябрда ЕИдан 5 миллиард доллар кредит, октябрда 3 миллиард доллар грант олади. Бош вазир ҳозирги молиявий ёрдам билан бюджет харажатларининг 40 фоизи қопланаётганини таъкидлаган.

 

Аввалроқ Украина ҳарбий можаро оқибатида қанча зарар кўргани очиқланганди.