Ультиматум қўядиганлар билан гаплашмайман — Зеленский
Украина президенти Россия билан жорий вазиятда музокара ўтказмаслигини маълум қилди.
Владимир Зеленский Россия билан музокара ўтказишдан бош тортди. Украина президенти буни Москва томонида конструктив бўлиш истаги йўқлиги билан изоҳлаган.
Сиёсатчи россияликларни ультиматум тилида мулоқот қилишда айблаган. У буни номақбул деб атаган.
“Бу менинг принципим: ультиматум қўядиганлар билан гаплашмайман”, – деган Зеленский.
Шу билан бирга президент охиригача курашиши, россияликлар мамлакат ҳудудини тўлиқ тарк этгандагина Россия-Украина ўртасида шартнома тузилишини айтган.
Аввалроқ Зеленский ҳарбий можаро молиявий инқирозни кучайтиришини маълум қилганди.
