Қироличанинг дафн маросимига 3 та давлат раҳбари таклиф қилинмади
Тадбирга 500 га яқин амалдорлар келиши кутилмоқа.
Буюк Британия ҳукумати Елизавета ИИ нинг дафн маросимига Россия, Беларус ва Мянма вакилларини таклиф қилмади. Бу ҳақда “The Guardian” нашри ёзмоқда.
19 сентябрь куни Лондонда қироличанинг дафн маросимига дунёнинг турли бурчакларидан 500 га яқин юқори мартабали амалдорлар келишини кутилмоқда. Бу қироллик учун сўнгги ўн йилликдаги энг йирик дипломатик тадбир бўлади. Расмийларнинг таъкидлашича, бир неча кун ичида улар юзлаб давлат ташрифларини қабул қилишни ташкил қилишлари керак.
Хорижлик меҳмонлар Вестминстер аббатлигига автобусда олиб келиниши эълон қилинган. Фақат АҚШ президенти Жо Байден каби алоҳида ҳимояланган шахслар бундан мустасно.
Россия Президенти матбуот котиби Дмитрий Песков 9 сентябрь куни Владимир Путиннинг қиролича дафн маросимига шахсий ташрифи кўриб чиқилмаётганини айтганди.
