Тошкентда 3 та кўча ёпилмоқда
Эртага шаҳарда халқаро фестивал ўтказилади.
Эртага, 14 сентябрь куни “Ипак йўли дурдонаси” XIV Тошкент халқаро кинофестивали ўтказилиши муносабати билан бир неча кўчаларда ҳаракат чекланади. Бу ҳақда шаҳар ҳокимлиги матбуот хизмати хабар бермоқда.
Қуйидагилар:
—Чилонзор кўчаси – Новза ва Катта Чилонзор кўчалари оралиғида соат 10:00 дан 17:00 гача қисман;
—Алишер Навоий шоҳкўчаси – Лабзак ва Абай кўчалари оралиғида соат 17:00 дан 20:00 гача қисман;
—Пахтакор кўчаси – Навоий шоҳкўчаси ва “Пахтакор” стадиони оралиғида соат 14:00 дан 23:00 гача тўлиқ ёпилади.
“Ҳайдовчиларга айланма йўллардан фойдаланишни тавсия қилиб, ноқулайликлар учун узр сўраймиз”, — дейилади хабарда.
