Канадада яна оммавий ҳужум
Қурбонлар ва ярадорлар борлиги айтилмоқда.
Канаданинг Онтарио провинсиясида қуролланган эркак икки кишини отиб ўлдирди, шундан сўнг у полиция томонидан яраланганидан бироз вақт ўтиб, вафот этди, дея хабар беради "CБC Неwс".
Телеканал маълумотларига кўра, ҳужумчи дастлаб Миссиссауга шаҳрида ўт очган. Натижада бир полициячи ҳалок бўлди, яна бир киши оғир жароҳат олди. Кейинроқ гумонланувчи Милтон шаҳрида ўт очган, бунинг оқибатида яна бир киши ҳалок бўлган ва икки киши яраланган.
Хабар қилинишича, ҳужум қилган шахс автомобилни ўғирлаб, воқеа жойидан қочиб кетган. Кейинроқ полиция уни ҳибсга олиш вақтида яраланганини ва кўп ўтмай вафот этганини айтди. Ҳужумчи 30 ёшли Шон Петри исмли эркак бўлиб, отишма сабаби ҳозирча номаълум.
