Санкциялар муаммонинг ечими эмас — Тўқаев
Қозоғистон президенти йирик давлатлар ўртасида рақобат кучайганини маълум қилди.
Санкциялар ва таҳдидлар глобал муаммоларнинг ҳал этилишига олиб келмайди. Бу ҳақда Қозоғистон президенти Қосим-Жўмарт Тўқаев маълум қилди.
У йирик давлатлар ўртасида геосиёсий қарама-қаршилик кучайганини қайд этган. Шу билан бирга, Қозоғистон раҳбари халқаро муносабатларнинг аввалги тизими емирилаётганини таъкидлаган.
“Қозоғистон доимо келишмовчиликларни БМТ устави руҳида музокаралар столида ҳал қилиш тарафдори бўлиб келган. Санкциялар, чекловлар билан таҳдид қилиш ва куч ишлатиш муаммонинг ҳал этилишига олиб келмайди. Бундай пайтларда гуманитар ғояларга қайтиш зарур”, – деган Тўқаев.
