НАТО Ироқдаги фаолиятини кенгайтирмоқчи
Альянс вакили мамлакат ТИВ билан музокара ўтказган.
НАТО Ироқдаги фаолиятини кенгайтириш масаласини кўриб чиқмоқда. Бу ҳақда альянснинг мамлакатдаги ваколатхонаси раҳбари генерал-лейтенант Жованни Инуччи маълум қилди.
Ироқ ТИВ раҳбари Фуад Ҳусайн билан учрашувда томонлар “НАТО миссиясининг Ироқдаги вазифалари, жумладан, хавфсизлик кучларининг профессионал тайёргарлиги, ҳарбий соҳадаги консультатив фаолият масалаларини муҳокама қилган. Бу каби вазифаларни мамлакат полицияси билан ҳам амалга ошириш таклиф қилинган.
Жорий йилнинг июнида НАТО ва Ироқ ўртасида ушбу давлат армияси аскарларини тайёрлашни кенгайтириш бўйича меморандум имзоланганди. Аммо бу ҳужжат тафсилотлари келтирилмаган.
