Тошкентда Ласетти билан тўқнашган Дамас ағдарилиб кетди
Ҳолат бўйича ИИББ ЙҲХБ маълумот берди.
Бугун, 16 сентябр куни Тошкент шаҳрининг Юнусобод туманида иккита автомашина иштирокида йўл-транспорт ҳодисаси содир бўлди. Бу ҳақда шаҳар ИИББ ЙҲХБ ахборот хизмати хабар қилди.
Қайд этилишича, соат 21:40 ларда Юнусобод тумани Аҳмад Дониш кўчасида 2001 йилда туғилган И.Ғ. ўз бошқарувидаги Ласетти русумли транспорт воситасини бошқариб кетаётиб, шу йўналишда ҳаракатланиб кетаётган 1988 йилда туғилган К.Т. бошқарувидаги Дамас русумли транспорт воситасининг орқа қисмига тўқнашиб кетган.
ЙТҲ оқибатида Дамас ҳайдовчиси тан жароҳати олган ва биринчи тиббий ёрдам кўрсатилган. Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
