Тожикистон томони Қирғизистонни қишлоқни ўққа тутишда айблади
Ҳодиса оқибатида аҳоли яшаш уйлари вайрон бўлган.
Тожикистон Миллий хавфсизлик давлат қўмитаси қирғиз ҳарбийлари қишлоқни ўққа тутиши оқибатида тўрт киши яраланганини маълум қилди. Бу ҳақда “Риа Новости” нашри хабар қилмоқда.
Қайд этилишича, Қирғизистон ҳарбийлари Тожикистон шарқидаги Лахш туманида қишлоқни ўққа тутиб, бешта уйни вайрон қилишган.
“Қирғизистон қуролли кучлари ўт очишни тўхтатиш шартлари ва талабларини бузиб, 17 сентябрь куни соат 11:50 да Ўш шаҳрининг Жонолой туманидан фуқароларнинг уйларига қарата ўт очди”, — дейилади Тожикистон чегара қўшинлари баёнотида.
Қирғизистон томони эса тожик ҳарбийларини Оқсув дарёсига ўрнатилган 36 метрли автомобил кўпригини портлатиб юборганликда айбламоқда.
