0
Франция коинотда янги миссиялар ўтказмоқчи
Ҳукумат бунинг учун 9 млрд евро ажратади.
Франция Бош вазири Элизабет Борн ҳукумат космик соҳага сармоя киритишни режалаштираётганини маълум қилди. Бу ҳақда у Халқаро астронавтика конгрессининг очилиш маросимида айтиб ўтди.
“Франция илмий тадқиқотлар ва космик соҳа учун келгуси уч йилда 9 млрд евродан ортиқ сармоя киритишга тайёрланмоқда”, — деди Борн.
Ушбу сармоялар Президент Эммануэл Макрон томонидан белгилаб берилган мамлакат космик стратегиясини амалга оширишга қаратилган.
Борн, шунингдек, Европа космик агентлигининг янги “Ariane–6” ракетасини учиришга тайёргарлик кўрилаётганини ҳам эслатиб ўтган.
