Ненси Пелоси Ереванга келиш сабабини айтди
АҚШ делегацияси Арманистоннинг истакларини билмоқчи.
АҚШ Конгресси Вакиллар Палатаси спикери Ненси Пелоси Ереванга нима мақсадда ташриф буюрганини маълум қилди.
Унинг айтишича, Конгресс делегацияси Арманистон АҚШдан иқтисодий ва хавфсизлик масалаларида нима кутаётганини билмоқчи.
Пелосининг расмий ташрифи доирасида брифинг ташкил этилиб, мудофаа соҳасидаги ҳамкорлик масалалари кўриб чиқилган. Арманистон парламенти спикери Ален Симонян АҚШ Бокунинг босқинини тўхтатиш учун Озарбoйжонга қарши санкциялар жорий этишига умид билдирган.
“АҚШнинг ҳар қандай ёрдами Арманистон учун жуда муҳимдир. Бизнингча, санкциялар Озарбoйжоннинг ҳаракатларини тўхтатиш учун яна бир дастак бўлиши мумкин”,— дейди Ален Симонян.
