Владимир Путин Қирғизистон ва Тожикистон раҳбарлари билан телефонлашди
Ўзаро суҳбатда чегарадаги вазият муҳокама қилинган.
Россия Президенти Владимир Путин Қирғизистон раҳбари Садир Жапаров ҳамда Тожикистон раҳбари Эмомали Раҳмон билан телефон орқали мулоқот қилди. Бу ҳақда Кремль матбуот хизмати хабар қилмоқда.
Мулоқот давомида қирғиз-тожик чегарасидаги отишмалар муҳокама қилинган. Россия етакчиси томонларни вазиятнинг янада кескинлашувига йўл қўймасликка ва буни имкон қадар тезроқ дипломатик йўл билан ҳал қилиш чораларини кўришга чақирган.
Шунингдек, Путин чегарадаги барқарорликни таъминлаш учун зарур ёрдам кўрсатишга тайёрлигини билдирган.
