АҚШ Украинага қачон самолёт етказиб беради?
Ҳарбий-ҳаво кучлари генерали бу бўйича маълумот берди.
Украина F-16 қирувчи-бомбардимончи самолётларини 2-3 йилдан сўнг олиши мумкин. Бу ҳақда АҚШ ҳарбий-ҳаво кучларининг Европа ва Африка бўйича қўмондони Жеймс Хекер маълум қилди.
Унинг сўзларига кўра, Ғарб Киевга ҳарбий ёрдам кўрсатишнинг узоқ муддатли истиқболлари ҳақида ўйламоқда. Генералнинг фикрича, Украинадаги ҳарбий ҳаракатлар катта эҳтимол билан бир неча йил давом этади.
Хекер самолётлар етказиб берилиши учувчилар тайёргарлиги ва логистика билан боғлиқ муаммолар туфайли чўзилиши мумкин. Шу билан бирга у Вашингтон Киевга айрим разведка маълумотларини тақдим этаётганини тан олган.
“Биз айрим турдаги ҳарбий объектлар жойлашуви ҳақида маълумот берамиз, унга зарба бериш ёки бермаслик Украина ихтиёрида”, – деган қўмондон.
Хекер Украина ўз ҳарбий-ҳаво кучларининг 80 фоизини сақлаб қолганини қайд этган.
Аввалроқ Киевга танкларга қарши ишлаб чиқилган самолёт берилиши мумкинлиги тўғрисида хабар берилганди.
