Мексика ва Афғонистонда ҳам зилзила қайд этилди
Ер силкиниши 5,3 ва 7,4 баллни ташкил этган.
Мексика ғарбидаги Мичоакан штати ҳудудида 7,4 балли зилзила содир бўлди.
Мамлакатдаги огоҳлантириш сигналлари ер қимирлаши оқибатида ишга тушиб кетган, ўн минглаб одамлар ўз уйлари ва ишхоналаридан қочиб чиқишган.
Зилзила маҳаллий вақт билан соат 13:00 лар атрофида юз берган. АҚШ геология хизмати Мичоакан ва Колима штатлари чегарасида 15 километр чуқурликда юз берган ер силкиниши кучини 7,6 балли дея баҳолади.
Зилзила етказган зарар ҳақида ҳозирча маълумот йўқ.
Ажабланарлиси, ер ости силкиниши зилзилага қарши ҳаракатланиш бўйича кенг кўламли машғулотлар бошланганига бир соат бўлмасидан юз берган.
Шунингдек, бугун, 20 сентябрь куни Афғонистонда ҳам зилзила қайд этилди. Зилзила магнитудаси 5,3 баллни ташкил этган.
