Песков: Киев билан музокаралар ўтказилмайди
Бундан аввал Владимир Путин Украинани Россия билан мулоқотни инкор қилишда айблаганди.
Ҳозирда Украинадаги вазиятни сиёсий-дипломатик ҳал қилиш истиқболлари йўқ. Бу ҳақда Россия президентининг матбуот котиби Дмитрий Песков маълум қилди.
“Ҳозирги пайтда бунинг истиқболлари мавжудлигини кўрмаяпмиз”,– деган у.
Бундан олдин РФ президенти Владимир Путин ҳам Москванинг музокараларга тайёрлигини, аммо Киев буни рад этаётганини айтганди.
Россия-Украина музокаралари май ойида тўхтаб қолди. Москва бу ташаббус Киевдан чиққанини маълум қилган. ҳозирда украин расмийлари рус қўшинларининг мамлакат ҳудудидан бутунлай олиб чиқилишини талаб қилмоқда.
Аввалроқ Владимир Зеленский Россияни ультиматумлар орқали мулоқот қилишда айблаганди.
