Европа Эрдоғаннинг ШҲТ саммитида иштирок этганидан “норози”ми?
Эрдоған турли салбий сигналлар бўлганини қайд этди.
Туркия бошқа давлатлар билан ўтказган музокаралари учун Евроиттифоққа ҳисоб бериши шарт эмас. Бу ҳақда мамлакат президенти Ражаб Тоййиб Эрдоған маълум қилди.
АҚШнинг PBS телеканалига берган интервьюсида у Туркия дунёнинг бир қисми эканлигини, шу сабабли барча давлатлар билан музокара олиб бориши айтган.
“Евроиттифоқ бизни 52 йилдан буён чегаралаб, ўз сафига қўшиб олмади. Аммо улар бизга савол беришди: “Нима учун у (Эрдоған) у ерга (ШҲТ саммитига) борди, нима учун учрашди?” Музокаралар ўтказиб мен ЕИга ҳисоб бермайман. Мен жаноб Си билан, жаноб Путин билан, жаноб Моди билан учрашаман”, – деган Эрдоған.
ШҲТнинг Самарқанд саммити 15-16 сентябрь кунлари ўтказилди. Эрдоған турли давлат президентлари билан икки томонлама музокаралар ўтказган. Шунингдек, у Туркиянинг ташкилотнинг тўлақонли аъзосига айланиши истагини билдирган.
