БМТ Бош Ассамблеясида нималар муҳокама қилинди?

 

Дунёдаги озиқ-овқат инқирозини яхшилаш учун ўғитлар етказиб бериш билан боғлиқ муаммоларни зудлик билан ҳал қилиш зарур, деди БМТ Бош котиби Антониу Гутерриш Бош Ассамблеяда сўзлаган нутқида. 

 

"Бу йил дунёда озиқ-овқат етарли, аммо муаммо унинг тақсимланишида. Агар бозорда ўғитлар билан боғлиқ вазият барқарорлашмаса, озиқ-овқат таъминотининг ўзи навбатдаги муаммога айланиши мумкин", - дейди у.

 

Шу билан бирга, у бошқа глобал муаммоларга, хусусан, иқлим ўзгаришига қарши кураш ҳақида ҳам гапирди, унинг фикрича, бу "ҳар бир ҳукумат ва ҳар бир халқаро ташкилотнинг устувор йўналиши"га айланиши керак.

 

 Гутерришнинг қўшимча қилишича, “бизнинг дунёмиз қазиб олинадиган ёқилғига боғлиқ” ва дунёда карбонат ангидрид чиқиндилари рекорд даражада юқори. Бош котиб бу борада шошилинч чоралар кўриш, хусусан, ёқилғи қазиб олиш билан шуғулланувчи компанияларнинг ортиқча фойдасига солиқ жорий этиш зарурлигини қайд этди.

 

“Мен барча ривожланган мамлакатларни қазиб олинадиган ёқилғи ишлаб чиқарувчи компанияларнинг ортиқча фойдасига солиқ солишга чақираман”,- деди Гутерриш.