Вучич: Бир-икки ойда йирик глобал тўқнашув бошланиши хавфи бор
Сербия президенти асосий куч марказлари ўртасида муносабатлар янада кескинлашиши мумкинлигини тахмин қилди.
Дунёда бир-икки ой ичида йирик низо бошланиши мумкин. бу ҳақда Сербия президенти Александр Вучич маълум қилди.
“Фикримча, биз “махсус ҳарбий операция” босқичидан катта ҳарбий низога яқинлашяпмиз. Муаммо шундаки, унинг чегаралари номаълум ва Иккинчи жаҳон урушидан буён содир бўлмаган глобал тўқнашув бир-икки ойдан кейин бошланиши мумкин”, – деган у РТС нашрига берган интервьюсида.
У яқин истиқболда Ғарбнинг Россия ва Хитой билан муносабатлари янада кескинлашиши мумкинлигидан хавотир билдирган.
Аввалроқ БМТ бош котиби ядро таҳдиди энг юқори нуқтага чиққанини айтганди.
