Байден дунёда демократияни ҳимоя қилишга ваъда берди
Шунингдек, у арман халқининг демократик интилишларини қўллаб-қувватлашини билдирди.
Президент Жо Байден ўз мамлакатида ва бутун дунёда демократияни ҳимоя қилиш ва мустаҳкамлашга аҳд қилганини айтди. Бу ҳақда давлат раҳбарининг Твиттер саҳифасида маълум қилинди.
“АҚШ ўз ҳудудида ва бутун дунёда демократияни ҳимоя қилиш ва мустаҳкамлашга қатъий қарор қилди. Демократия инсоният учун муаммоларни ҳал қилишда энг катта восита бўлиб қолишига ишонаман”, — дейилади хабарда.
Шунингдек, Байден Арманистон бош вазири Никол Пашинянга Мустақиллик куни муносабати билан йўллаган табрикномасида арман халқининг демократик интилишларини қўллаб-қувватлашини билдирган.
