0
Тез орада ЕИ Россияга қарши янги санкциялар жорий этади
Шунингдек, Украинага қурол етказиш ҳажми оширилади.
Европа кенгашининг 6–7 октябрь кунлари бўлиб ўтадиган йиғилишида Россияга қарши янги санкциялар пакети қабул қилиниши мумкин. Бу ҳақда “Корреспондент” нашри ёзмоқда.
Қайд этилишича, бугун Еврокомиссия раҳбари Россияга технологияларни экспорт қилиш устидан қўшимча назорат ўрнатиш таклифи билан чиққан. Шунингдек, Полша ва Болтиқбўйи давлатлари Россия олмослари импортини тақиқлаш ва мамлакатнинг Европада музлатилган активларини мусодара қилишни таклиф қилмоқда.
Эслатиб ўтамиз, аввалроқ ЕИ давлатларининг ташқи ишлар вазирлари фавқулодда йиғилиш ўтказиб, Россиядаги сафарбарлик бўйича ягона позицияни келишиб олгани хабар қилинганди.
