Туркияда вертолёт қулаши оқибатида икки киши ҳалок бўлди
Бортдаги етти кишининг беш нафари Россия фуқаролари экани айтилмоқда.
Туркия ғарбидаги Денизли провинцияси губернатори Али Фуат Атикнинг маълум қилишича, ўрмон ёнғинини ўчиришда қатнашган вертолёт Чардак қишлоғи яқинида қулаган. Бу ҳақда Anadolu agency хабар берди.
Воқеа жойига қутқарув гуруҳлари жўнатилди. Чардак шаҳар ҳокими Аджигел шаҳрида ёнғинга қарши вертолётнинг қулаганини қайд этди.
Сўнгги маълумотларга кўра, вертолёт қулаши натижасида 2 киши ҳалок бўлган, беш киши жароҳатланган.
Туркия Ички ишлар вазирлиги вертолёт бортидаги етти кишидан беш нафари Россия фуқаролари эканини маълум қилди.
