Шакира Пике билан ажрашгач катта муаммога дуч келди
Футболчи эса аллақачон янги муносабатларни бошлаган.
Колумбиялик қўшиқчи Шакира илк бор испаниялик футболчи Жерард Пике билан 12 йиллик турмушдан сўнг ажрашганига изоҳ берди.
Шакиранинг 9 ва 7 ёшли ўғиллари ҳаётида қийин дамларни бошдан кечираётганини тан олди.
"Бу ҳақда гапириш жуда қийин. Чунки омма кўз олдида бўлганимиз учун бизники оддий ажралиш эмас. Шунинг учун бу нафақат менга, балки болаларимга ҳам қийин бўлди. Ақл бовар қилмайдиган даражада қийин бўлди. Мен буларнинг барчасини болалардан яширишга ҳаракат қилдим. Мен уларни ҳимоя қилишга ҳаракат қиламан, чунки бу менинг асосий миссиям. Лекин барибир улар мактабда дўстларидан нимадир эшитишади ёки Интернетда бирон бир нохуш хабарни кўришади",- деди қўшиқчи.
Қайд этиш жоизки, Жерар Пике аллақачон 23 ёшли Клара Чиа Марти билан янги муносабатларни бошалган.
Аввалроқ Барселона прокуратураси колумбиялик қўшиқчи ва раққоса Шакирани олтита солиқ жиноятида айблагани хабар қилинганди.
