Трамп: АҚШни Си Цзиньпинга ўхшаш кучли етакчи қутқаради
Собиқ президент Қўшма Штатларни тушкунликдаги давлат деб атади.
АҚШ собиқ президенти Дональд Трампнинг фикрича, Қўшма Штатлар "жаҳаннамга қараб кетмоқда". Бу ҳақда у Fox News телеканалига берган интервьюсида маълум қилди.
"Мамлакат жарликка қараб кетмоқда. Биз тушкунликдаги давлатга айландик. Мамлакат тирик қолмаслиги мумкин", — деган сиёсатчи.
Унинг фикрича, АҚШга ҳақиқий кучли етакчи керак. Трамп давлат тепасида Си Цзиньпинга тенглаша оладиган раҳбар кўришини исташини таъкидлаган.
Собиқ президент Жозеф Байденнинг муваффақиятга эришишга тилакдошлигини, аммо бу унинг келаётган сайловлардаги позициясини кучсизлантириши мумкинлигини айтган.
"У республикачими, демократми, ким бўлишидан қатъий назар мен кучли етакчи келишини истайман. Мен унинг ақл бовар қилмас муваффақиятга эришишини... хоҳлайман", — деб қайд этган Трамп.
Аввалроқ собиқ президент 2024 йилги сайловларда иштирок этишни ўйлаётгани ҳақида айтганди.
