Афсонавий теннисчи Рожер Федерер фаолиятидаги сўнгги матчда ютқазди
Шу тариқа унинг 24 йиллик фаолияти якунланди.
Жума куни швейцариялик теннисчи Рожер Федерер фаолиятидаги сўнгги матчни ўтказди. У Рафаэль Надаль билан жуфтлик баҳсларида кортга тушган.
Ўйин халқаро Laver Cup турнири доирасида бўлиб ўтган. Федерер-Надаль жуфтлиги Жек Сок-Фрэнсис Тиафу жуфтлигига мағлуб бўлган. (4:6; 7:6 (7:2); 11:9 ҳисобда).
“Бу ажойиб кун бўлди. Мен қайғуни эмас, бахтни хис қиляпман. Бу ерда турганимдан хурсандман. Мен буни бошимдан ўтказганим учун бахтлиман”, – деган теннис афсонаси.
Федерер Надаль ва бошқа ўйинчилар билан хайрлашиб, кўз ёшларини тия олмади. 17.5 минг мухлис унинг исмини айтиб олқишлаган.
41 ёшли теннисчи 15 сентябрь куни 24 йиллик фаолиятини якунлашини эълон қилганди.
