Блинкен Пекинни Россия масаласида огоҳлантирди
АҚШ давлат котиби Хитой ташқи ишлар вазири билан учрашди.
Энтони Блинкен Хитой ТИВ раҳбари Ван И билан учрашувда Пекинни Россиянинг Украинадаги ҳаракатларини қўллаб-қувватлаган тақдирда юзага келадиган оқибатлардан огоҳлантирди.
Ўз навбатида Хитой ташқи ишлар вазири Вашингтонни Тайвандаги ҳаракатлари орқали Хитой суверенитетига таҳдид солишда айблаган.
“У (Блинкен – таҳр.) АҚШнинг Россиянинг Украинадаги ҳаракатларини қоралашини таъкидлади ва ХХР Москвани бу вазиятда қўллаб-қувватласа, оқибатлардан огоҳлантирди”, – дейилади Давлат департаменти матбуот котиби Нед Прайс баёнотида.
Давлат котиби ва Хитой ТИВ раҳбари Нью-Йоркда, БМТ Бош ассамблеяси 77-сессияси доирасида учрашган. Бундан ташқари, Блинкен Пекинга алоқа каналлари сақланиб қолишини, икки томонлама муносабатларни масъулият билан бошқаришни таклиф қилган. Бу айниқса, тарангликлар пайтида муҳим эканлиги таъкидланган.
АҚШ давлат котиби Қўшма Штатларнинг “Ягона Хитой” принципига содиқ эканини қайд этган.
Аввалроқ Ван И Хитой-АҚШ муносабатларининг жорий ҳолатига баҳо берганди.
