Тошкент–Чирчиқ–Хожикент йўналишида электропоездлар қатнови йўлга қўйилди
Рейс саёҳат вақтини 45 дақиқагача қисқартиради.
Йўловчиларга қўшимча қулайликлар яратиш мақсадида жорий йилнинг 24 сентябридан бошлаб Тошкент – Чирчиқ –Хожикент йўналиши бўйлаб шаҳарлар аро тезюрар электропоездлар қатнови йўлга қўйилди, бу эса Чирчиқ шаҳрига саёҳат вақтини 45 дақиқагача қисқартирди.
Тошкент–Жанубий темир йўл вокзалидан жўнаётган поезд пойтахтда яна иккита бекатда тўхтаб ўтади – Тошкент-Марказий вокзалида ва Салар стансиясида. Йўловчиларга қулайлик яратиш мақсадида Тошкентдаги «Тошшаҳартрансхизмат» АЖ ва Чирчиқ шаҳридаги ихтисослаштирилган ташкилотлар билан электропоездларнинг келиши ва жўнаш жадвалига шаҳар транспортининг қулай транспорт йўналишларини ташкил этиш бўйича қўшма ишлар амалга оширилди.
Ҳозирда тезюрар поездлар ҳар шанба ва якшанба кунлари қатнайди. Яқин келажакда янги ва замонавий электропоездлар сотиб ўлгандан сўнг, қатновлар сони кўпаяди ва шаҳар атрофидаги электропоездлар иш кунлари ҳам йўлвчиларга хизмат кўрсатади.
