Ҳиндистонда iPhone 14 ишлаб чиқарилади
Маҳсулот ички ва ташқи бозорга етказиб берилади.
“Apple” 2017 йилдан бери Ченнай яқинидаги “Foxconn” компаниясининг етказиб берувчи заводида маҳсулот ишлаб чиқаради. Бироқ ишлаб чиқариш ассортименти эски iPhone моделларини ўз ичига олган.
Бу сафар компания Пекиннинг қаттиқ коронавирус сиёсати туфайли Хитойдан этказиб бериладиган таъминотга қарамликни камайтириш мақсадида сентябр ойида тақдим этилган сўнгги смартфон моделларини Ҳиндистонга кўчиришга қарор қилган.
Таҳлилчиларнинг прогнозларига кўра, “Apple” 2022 йил охиригача Ҳиндистонда дунёдаги барча iPhone 14 смартфонларининг қарийб 5 фоизини, 2025 йилга келиб эса 25 фоизини ишлаб чиқариши мумкин.
“Apple” компанияси Ҳиндистонда ишлаб чиқарилган смартфонларни ҳам ички бозорда, ҳам бошқа мамлакатларда сотишни режалаштирмоқда.
