Япония Россияга қарши санкцияларни кенгайтирди
Мудофаа саноатига тегишли 21 ташкилот фаолиятига чекловлар жорий этилди.
Япония иқтисодиёт вазирлиги Россияга “кимё қуроли” билан боғлиқ товарлар сотишни тақиқлади. Эълон қилинган янги санкциялар пакетига 21 ташкилот киритилган.
Хусусан, “Энергия”компанияси, “Эталон” нодавлат ташкилоти, “Мосэлектронпроект” корхонаси ва бошқаларга тақиқ қўйилган. Токио бу компанияларни мудофаа саноатига тегишли деб ҳисоблайди.
Санкциялар 3 октябрдан кучга киради. Япония янги чекловлар ҳақида ўтган ҳафтада эълон қилганди. Бунга Украинанинг эгаллаб олинган ҳудудларида ўтказилаётган “референдумлар” сабаб бўлган.
Аввалроқ АҚШ яна 17 нафар россияликларга нисбатан санкция жорий этганди.
