Ўзбекистон делегацияси МАГАТЭ бош конференциясида иштирок этмоқда
Йиғилиш Венада ўтказиляпти.
26 сентябрда Венада Халқаро атом энергияси агентлиги йиллик Бош конференциясининг 66- сессияси иш бошлади. Унда Ўзбекистон делегацияси ҳам иштирок этмоқда.
Делегацияда "Ўзатом" агентлиги, фанлар академияси ва Саноат хавфсизлиги давлат қўмитаси аъзолари бор.
Бош конференция доирасида умумий музокаралар ўтказилади ва унда делегация раҳбарлари ўзларининг дастурий чиқишлари билан иштирок этади.
Сессия доирасида Ўзбекистон делегацияси агентлик раҳбарлари, бошқа мамлакатлар вакиллари ва атом энергиясидан тинчлик йўлида фойдаланиш соҳасида ҳамкорликни амалга ошириш масаласида масъул бўлган компаниялар билан музокаралар ўтказишни режалаштирган.
