Европа газсиз қолиши мумкин: Россия Украина орқали транзитни бутунлай тўхтатмоқчи
Москва-Брюссель ўртасидаги “энергетик уруш” тобора авж олмоқда.
Россия Украина орқали газ транзитини тўхтатиши мумкин. Бу Европага “зангори олов” етказиб берадиган асосий қувурларда босим пасайиб кетиши фонида юз бермоқда.
“Газпром” кеча Украинанинг асосий газ оператори “Нафтогаз”га даъволари борлигини маълум қилган. Бу транзит йўналиши орқали ЕИга етказиб бериладиган газнинг ярми тўғри келади.
“Нафтогаз” май ойида “Сохрановка” тақсимлаш пункти орқали Россиядан ёнилғи қабул қилишни тўхтатишини айтганди. Ушбу пунктнинг Россия томонидан эгалланган Луганск вилоятида жойлашганлиги бунга сабаб қилиб кўрсатилган. Киев барча газни ўз назоратидаги ҳудудда жойлашган “Суджа” пункти орқали етказиб беришни таклиф қилганди. Москва буни инкор қилган, украиналиклар эса арбитражга мурожаат билан чиққанди.
“Газпром” Украина томони ўз даъвосини қайтариб олмаса, унга қарши санкциялар жорий этишини таъкидлади. Бу транзит учун пул тўланиши тўхтатилишини англатади. Бундан ҳолатда Киевда икки йўл қолади: газни бепул ўтказиш ёки қувурларни бутунлай тўхтатиб қўйиш.
Агар Украина орқали транзит тўхтатилса, Европа деярли газсиз қолади. Фақатгина Туркия орқали Евроиттифоқ жанубига “зангори олов” етказиб бериш давом этади.
Эслатиб ўтамиз аввалроқ “Шимолий оқим-2” қувуридан катта миқдорда газ сизиб чиқаётгани тўғрисида хабар берилганди.
