Бухородаги прокуратура биносида дарахтлар ноқонуний кесилди
Ҳолат юзасидан Экоқўмита маълумот берди.
Ижтимоий тармоқларда Бухоро ҳарбий прокурори топшириғи билан қимматбаҳо дарахтлар кесиб ташланганлиги ҳақида хабарлар тарқалди. Ҳолат юзасидан Давлат экология қўмитаси расмий муносабат билдирди.
Қайд этилишича, жорий йилнинг 16 сентябрида Прокуратура органлари томонидан ўтказилган ички текширув жараёнида ҳарбий прокуратура ҳудудидаги умумий овқатланиш биноси атрофида ўрик дарахтининг шохлари ҳамда кам қимматли бўлган 1 туп ўрик ва 6 туп айлант дарахтлари таг қисмидан тегишли рухсатномасиз кесилганлиги аниқланган.
Ушбу ҳолат юзасидан экология инспекторлари иштирокида тегишли ҳужжатлар расмийлаштирилган ва Республика Ҳарбий прокуратураси томонидан текширилмоқда.
