Эрдоған: Путин нимани режалаштирса, амалга оширади

 

Туркия президенти Ражаб Тоййиб Эрдоған Путин нимани ўйласа, шуни амалга оширишини маълум қилди.

 

Украина шарқида ўтказилган “референдумлар” ҳақида гапирар экан, Туркия раҳбари бу ҳудудларнинг Россияга қўшиб олинишидан хавотир билдирди.

 

“Бу содир бўлиши мумкин, чунки мен билган жаноб Путин ниманидир режалаштирса, уни албатта амалга оширади”, – деган у.

 

Эрдоған пайшанба куни Путин билан телефон мулоқотини ўтказишини ва музокараларда ушбу масалани кўтаришини таъкидлаган.

 

Маълумот ўрнида: “ДХР”, “ЛХР”, Запорожье ва Херсон вилоятларининг РФ томонидан эгаллаб олинган ҳудудларида 23-27 сентябрь кунлари Россияга қўшилиш масаласида “референдумлар” ўтказилди. Уларнинг барчаси Москва билан “бирлашиб” кетишга розилик билдирган.

 

Шу муносабат билан бу тўрт ҳудуддаги россияпараст маъмурият вакиллари Путин билан учрашиш ниятида Россияга учиб келган.

 

Аввалроқ Россия президенти Эроған билан Самарқандда Украина билан музокаралар ўтказишга тайёрлигини билдиргани тўғрисида хабар берилганди.