Украина зудлик билан НАТОга киришга ариза берди
АҚШ ва НАТО бу бўйича ўз позицияларини билдирди.
Қўшма Штатлар Украинанинг НАТОга аъзолиги бўйича ўз позициясини ўзгартирмайди ва алянснинг мавжуд тартиб-қоидаларига содиқ қолади. Бу ҳақда АҚШ давлат котиби Энтони Блинкен маълум қилди.
“НАТО ва Украинага келсак, бизнинг позициямиз аниқ бўлиб келган ва шундай бўлиб қолмоқда. Биз НАТОнинг “очиқ эшиклар” сиёсатини ва бунга интилаётган мамлакатларнинг НАТОга жалб этилишини тўлиқ қўллаб-қувватлаймиз”,— деди у матбуот анжуманида.
“Бунинг учун тартиб бор ва давлатлар бу тартибга амал қилишда давом этадилар”, — деб қўшимча қилди Блинкен.
Эслатиб ўтамиз, аввалроқ Владимир Зеленский Украинани тезлаштирилган тартибда НАТОга аъзо бўлишни сўраган эди.
