Cамарқандда “катта жиноятчилар” ушлангани айтилди
Ҳолатга вилоят ИИБ изоҳ берди.
Ижтимоий тармоқда Самарқанд вилоятида катта жиноятчилар ушлангани ҳақида хабарлар тарқалди. Ҳолат юзасидан вилоят ИИБ расмий муносабат билдирди.
Ҳодиса 26 сентябрдан 27 сентябрга ўтар кечаси вилоят ИИБ Жамоат хавфсизлиги хизмати бўлинмалари патруль-пост хизмати батальони ходимлари Самарқанд шаҳрининг Ибн Сино ва Дахбет кўчаларида хизмат олиб бораётган вақтида юз берган.
Ходимлар “Ипак йўли банки” рўпарасида турган фуқаро белгиланмаган жойда тамаки маҳсулотини истеъмол қилаётганлигини кўриб, унга жамоат жойда чекмаслиги тушунтирган. Шундан сўнг фуқаро ходимларнинг қонуний талабига бўйсунмасдан, уларга бақириб, икки нафар шериги билан уларга фаол қаршилик кўрсатган.
Қўшимча кучлар етиб келгач, фуқаролар ИИБга олиб борилиб, уларга нисбатан Маъмурий жавобгарлик тўғрисидаги кодекснинг 194- ва 195-моддаларига асосан маъмурий баённомалар расмийлаштирилиб, тўпланган ҳужжатлар қонуний қарор қабул қилиш учун суд органларига юборилган.
