Эронда ҳужумлар тинмаяпти
Исёнчи гуруҳлар полиция бўлимини ўққа тутиб, 19 кишини ўлдирди.
Эрон жануби-шарқидаги Систон ва Балужистон вилоятида исёнчи гуруҳ полиция бўлимига ҳужум қилиб, 19 кишини ўлдирди. Бу ҳақда маҳаллий нашрлар хабар бермоқда.
Ҳалок бўлганлар орасида Эрон Ислом инқилоби қўриқчилари корпусининг 3 нафар жангчиси бор. Ҳуқуқ-тартибот идораларининг яна 32 нафар ходими жароҳатланган.
Эрон расмийлари ҳужум иштирокчилари сўнгги кунларда мамлакатда бўлиб ўтган ҳукуматга қарши намойишларига алоқадорлиги ҳақида маълумот бермади. Ғарб оммавий ахборот воситаларининг ёзишича, ҳужумчиларниннг террорчилар билан алоқаси борлиги ҳақидаги версияни ҳам инкор этиб бўлмайди.
