Хабарни чуқур қайғу билан қабул қилдик—Ўзбекистон ТИВ
Таълим марказида юз берган портлаш юзасидан расмий баёнот берилди.
Ўзбекистон Республикаси Ташқи ишлар вазирлиги Ағонистоннинг Кобул шаҳрида юз берган портлаш юзасидан баёнот берди.
“Кобул ғарбидаги таълим марказида содир этилган қабиҳ террорчилик хуружи оқибатида ўнлаб инсонлар, асосан, қизлар ҳалок бўлгани ва жароҳатлангани ҳақидаги хабарни чуқур қайғу билан қабул қилдик.
Яна рўй берган зўравонлик ҳаракатларни кескин қоралаган ҳолда, мазкур ёвуз ва ғайриинсоний хуруж ташкилотчилари ҳамда ижрочиларини аниқлашда барча зарур чораларни кўришга чақирамиз.
Ҳалок бўлганларнинг оила аъзолари ва яқинларига чуқур ҳамдардлик билдирамиз, жароҳатланганларнинг тезроқ соғайиб кетишини тилаймиз”, — дейилади хабарда.
