0
Ўзбекистонда диплом маълумотларини электрон шаклда олиш йўлга қўйилди
Бу бўйича махсус платформа яратилди.
Олий таълим муассасасини тугатганлик тўғрисидаги диплом маълумотларини электрон шаклда олиш учун “Diplom.edu.uz” ахборот тизими ишлаб чиқилди. Бу ҳақда Олий ва ўрта махсус таълим вазирлиги хабар қилди.
Тизим қуйидаги жараёнларни ўз ичига олади:
— битирувчиларнинг диплом маълумотлари киритилади ва тасдиқланади;
— диплом маълумотлари мавжуд бўлмаганда битирувчилар Ягона идентификация тизими – ОнеИД орқали рўйхатдан ўтиб, маълумотларни киритади. Олийгоҳ эса диплом маълумотлари тўғрилигини тасдиқлайди.
Платформа бошқа давлат идоралари ахборот тизимлари билан интеграция қилинган. Бунда маълумотлар автоматик тарзда шаклланади ва диплом маълумотларини киритиш талаб этилмайди.
