Самарқандда автомашиналар тўқнашуви сабаб йўловчи вафот этди
ЙҲХБ ҳодиса тафсилотларини маълум қилди.
Самарқанд вилоятининг Нуробод туманида 28 сентябрь куни одам ўлими билан боғлиқ йўл-транспорт ҳодисаси содир бўлди. Бу ҳақда вилоят ИИБ ахборот хизмати хабар қилди.
Автоҳалокат тунги соат 22:30 ларда Нуробод тумани ҳудудидан ўтувчи А-378 автомобиль йўлининг 40-километрида юз берган. Некция русумли автомашина ҳайдовчиси тезликни меъёрдан ошириб ҳаракатланиши натижасида ўзи билан бир йўналишда кетаётган Дамас русумли транспорт воцитасининг орқа қисмида бориб урилган. Шундан сўнг Дамас йўлнинг ўнг тарафига ағдарилиб кетган.
ЙТҲ оқибатида Дамас ичида бўлган 1 нафар йўловчи тан жароҳатлари олиб, вафот этган.
Мазкур ҳолат юзасидан Жиноят кодексининг тегишли моддаси билан жиноят иши қўзғатилиб, дастлабки тергов ҳаракатлари олиб борилмоқда.
